भिजली नदी, भिजले तळे,
भिजलेल्या आठवणींनी भिजले डोळे...

भिजलं शेत, भिजले मळे,
भिजलेल्या क्षणांचे आज भिजले सोहळे...



भिजली सर, भिजले थेंब,
भिजलेल्या भावनांमध्ये भिजलं प्रेम...

भिजलं फूल, भिजली पाकळी,
भिजलेल्या कपाळावर भिजली टिकली...

भिजली लाट, भिजली होडी,
भिजलेल्या ओठांची भिजली गोडी...

भिजलं पान, भिजली कळी,
भिजलेल्या गालावर भिजली खळी...

भिजलं गाणं, भिजली शीळ,
भिजलेल्या हणुवटीवर भिजलं तीळ...

भिजलं रान, भिजले वृक्ष,
भिजलेल्या हातांवर भिजले स्पर्श...

भिजली रात्र, भिजल्या चांदण्या,
भिजलेल्या नयनांच्या भिजल्या पापण्या...



भिजलं वादळ, भिजले वारे,
भिजलेल्या विरहात भिजले अंतरे...

भिजलं रक्त, भिजला काटा,
भिजलेल्या पाऊलांनी भिजल्या त्या वाटा...

भिजलं आभाळ, भिजले घन,
भिजलेल्या स्मृतींमध्ये भिजलं मन...

भिजलं जीवन, भिजलं आयुष्य,
भिजल्लेया भूतकाळानी भिजलं... भविष्य...