जाणता राजा..!!

गीतकार :कुसुमाग्रज
गायक :लता मंगेशकर
संगीतकार :पं. हृदयनाथ मंगेशकर






म्यानातून उसळे तलवारीची पात
वेडात मराठे वीर दौडले सात

ते फिरता बाजूस डोळे, किंचित ओले
सरदार सहा सरसावुनि उठले शेले
रिकबीत टाकले पाय, झेलले भाले
उसळले धुळीचे मेघ सात निमिषात

आश्चर्यमुग्ध टाकून मागुती सेना
अपमान बुजविण्या सात अर्पुनी माना
छावणीत शिरले थेट भेट गनिमांना
कोसळल्या उल्का जळत सात दर्यात

खालून आग, वर आग, आग बाजूंनी
समशेर उसळली सहस्त्र क्रुर इमानी
गदीर्त लोपले सात जीव ते मानी
खग सात जळाले अभिमानी वणव्यात

दगडावर दिसतील अजूनि तेथल्या टाचा
ओढयात तरंगे अजूनि रंग रक्ताचा
क्षितिजावर उठतो अजूनि मेघ मातीचा
अद्याप विराणी कुणी वार्‍यावर गात

आपले मन जाणणारी एकच असते......

आपले मन जाणणारी एकच असते......
आपले मन जाणणारी एकच असते......

पण आपल्यासाठी गर्दीतुन साखर आणणारी मुंगी एकच असते.


जिवनात जशा वाटा बर्‍याच असतात,
पण त्यातली आपली वाट एकच असते,
तशाच जगात सुंदर्‍या बर्‍याच असतात,
पण मुक्याने आपले मन जाणणारी एकच असते......

दुःखात आपल्याला समजावणारे हजार असतात,
पण आपले दुःख घेऊन सुख देणारी एकच असते,
जखमांवर फ़ुंकर मारणारे आपले अनेक असतात,
पण जख्मांवर मलम लावणारी एकच असते..........

झोप येत नाही म्हणून गोष्ट सांगणारे फारच असतात,
पण मांडीवर डोके घेऊन अंगाई गाणारी एकच असते..........
मित्रांच्या वारुळातही आपले असे म्हणणारे सगळेच असतात,
पण आपल्यासाठी गर्दीतुन साखर आणणारी मुंगी एकच असते......

मैत्री

मैत्री म्हणजे काय असतं?
एकमेकांचा विश्वास असतो?
अतूट बंधन असत? की
हसता खेळता सहवास असतो?
मैत्री म्हणजे मैत्री असते,
व्याख्या नाही तिच्यासाठी;
अतूट बंधन नसत,
त्या असतात रेशीमगाठी

मैत्री असते पहाटेच्या दवासारखी,
थंडगार स्पर्श करणारी;
मैत्री असते केवड्यासारखी,
तना-मनात सुगंध पसरवणारी
मैत्री असते सुर्योदयासारखी,
मनाला नवचैतन्य देणारी;
मैत्री असते झाडासारखी,
उन्हात राहून सावली देणारी;

मैत्री करावी सोन्यासारखी,
तावुन-सुलासुलाखून चमचमणा;
मैत्री करावी हिर्या सारखी,
पैलू पडताच लख-लखणारी;
मैत्री असावी पहाडासारखी,
गगनाला भिडणारी;
मैत्री असावी समुद्रासारखी,
तलाचा थान्ग नसणारी;

मैत्री म्हणजे समिधा असते,
जीवन यद्न्यात अर्पण झालेली;
स्वताच्या असन्याने सुद्धा
मन पवित्र करणारी;
मैत्री हे नाव दिलय
मनाच्या नात्यासाठी;
अतूट बंधन नसत त्या असतात ...

......तिला मी शोधतो आहे......

......तिला मी शोधतो आहे......

"परि" नसली तरी "खरी" असावी ती...
सुसंकृत, भारतीय परंपरा जपणारी.
आपल्या संस्कृतीचा अभिमान असणारी.
"मी मराठी भाषिक"असं अभिमानानं सांगणारी.
समजूतदार अणि माझी प्रिय मैत्रिण होणारी.
एक प्रेयसी पाहिजे, माझ्या भावना जाणणारी;
मी जसा आहे तसेच, माझ्यावर प्रेम करणारी.
एवढं सगळे गुणं "असणारी"सापडणे कठीणयं हो!
पण शोधात आहे.